Мања слова Већа слова РСС

Директорати у Министарству

 
 
 
 

Љ.Ј.

МПА

 

ФАМИЉИЈКО КАНУНИ ЦРНА ГОРАКО

ХАКОРА ЋХАВОРЕСЕ

Ћире хакора ано трујаљипе фамиљијако (АКАВА СИ НЕВО)

Трубу де ђане кај си тут хако те мотхо ћиро гођаверипе катар са е пућљимата саве ћердонпе катар туте, ан са е процесора англа сар саво органо тхај институциа (ане школа, центро катар социално бућарипе, англа адвокати, ане болница, тхај агија).

Љ.Ј.

УНИЦЕФ Црна Гора/Душко Миљанић

Ћире дад тхај деј, сар ви са авер ђене саве пхурадонпе катар туте борћи си те шајисарен туће те мотхо ћиро гођаверипе. Акала ђене си борћи те мотхонће тхај ден информацие агијате кај ту шај те хаћаре љен, себепо јекхутно  пе гова ћханд шаји те формири  гођаверипе тхај тромалуне те мотхо ље.

Си тут хако те ђане ко си ћире дад тхај деј, те ље информацие катар са импортантно трујаљимата ано пхандипе е даса тхај дадеса, ђененца фамиљијаће тхај авер пашутне ђененца, већ те си гова мамуј ћиро хемлаћхе интересесо.

Си тут хако те ђувдосаре  тхај баро ане састикано тхај аракхавутно ђувдимаско машкарипе, кај си саворе борћи те паћварен тут тхај араћхен, тхај те ћерен туса паша паћваљипе ћире персонако тхај индивидуалидетесо.

Си  тут хако те беше ће даса тхај дадеса тхај хако те ћире дад тхај деј катар туте пурардон англал са авер. Акава хако шај авел лимитириме крисесе ћхинадутнаса кана си себепора гољесе (по мисал зураљипе/марипе ане фамиљија).

Те си тут 15 бош ђувдимасе шај коркоре те ћхинаве каса ја дадеса ја даса те беше. Те си тут мај цра катар е 15 бош, о криси си борћи те ашунел ћиро гођаверипе, тхај ћхинавел сар кај си ћире хемлаћхе интересеса.

Љ.Ј.

УНИЦЕФ Црна Гора/Душко Миљанић

Те си кај ни беше ће дадеса ја даса ја јећхеса катар љенде си тут хако те аћхаре персонално релацие е даса ја дадеса, ја јећеса савеса ни беше, уладине те си гова мамуј ћиро хемлаћхо интереси.

Си тут хако те аћхаре персонално релацие е пашутненца тхај авер ђененца (пхрал тхај пхеја, мамике тхај папора, думутне парварутне, тхај авер ђене савенца пханден тут уладино пашипе) те си гова ан ћиро хемлаћхо интереси.

Те си кај манђе те пе авер ћханд лаћхаре ја аверћханаре о ћханд аћхаримасо персонално релациенго е даса тхај дадеса, тхај авере ђененца саве пхурардон катар туте шај те де тужба крисесе ано тхан ан саво беше (Линк крисенго ане Црна Гора). Ви агија шај ћху сама ви е центросе катар социално бућарипе (линк центренђе катар о социално бућарипе ане Црна Гора).

Ако си тут 15 бош:

•          шај те ћхинаве ан сави машкарутни школа ка ђа

•          шај те ћхинаве каса ја дадеса ја даса манђе те беше

•          шај коркоро те ћхинаве катар о ћханд аћхаримасо персонално релациенго е даса ја дадеса савеса ни беше 

•          шај те ћере со манђе ћире ловенца ја барваљимаса саво си тут кај ћердан ћире бућаса

УЛАДИНЕ катар упре љипардине ћаћимата ан саве о криси ка анел ћхинадипе би ћире мангљимасо тхај гођаверимасо, си кана ка зурарел кај си ћиро мангљипе икхаљпе кханикасе зураљимасо, претисаримасо, хохавимасо тхај агија.

Љ.Ј.

УНИЦЕФ Црна Гора/Душко Миљанић

Бимукљипе физичко казнимаско

Те прасан, тељарен, ђунгаље пхарарен тут  психички тхај физички ни троман ни ћире дад тхај е деј, ни е пхуредерутне, е фамиљија, наставникора, учитеља, ни е професора, ни сар саво авер ђено саво авел ано контакт туса.

Те си кај вареко мамуј туте аћхардолпе пе гасаво ја сар саво авер ћханд саво тут прасарел, шај те ћху сама  компетентно органосе полициако (линк е полициаће), Центросе катар социално бућарипе (линк центросе катар социално бућарипе), школаће ја дисаве авер институциаће. 

Дадесе тхај даће хакора тхај борћимата

Хакора тхај борћимата ћире дадесо тхај дако

•          Ћиро дад тхај е деј сиљен хако тхај борћи катар туте те пхурардон: те аћарен тут тхај презентирин, даран ће састимасе, сикавимасе тхај сићимасе.

•          Машкар туте тхај ћире дад тхај деј е релација трубул те авел по камљипе, паћхваљипе тхај машкар туменго паћваљипе.

•          О дад тхај е деј ни троман те ћалавен тут, марен тхај мамуј туте  ћерен по ђунгаљипе, бихумано ја тељардино ћханд.

•          Ано пхердипе са пире дадесе тхај даће хаконго тхај борћимасе, о дад тхај е деј трубун те ћерен хесапо катар ћиро хемлаћхо интереси, ћире трубиматанго тхај шајиматанго.

•          Кана о дад тхај е деј анен дисави ћхинадутни сави дићхолпе пе туте, борћи си те мућен тут те мотхо ћиро гођаверипе.

•          О дад тхај е деј сиљен хако тхај борћи те ћерен со манђен ћире барваљимаса, уладине е барваљимаса саво паље 15. бош авел тут ћире бућаса.

•          Е дако тхај дадесо хако перел љенђе тхај вон ћерен ље купа тхај хаћаримаса те бешље купа.

•          Ћире деј тхај о дад сиљен хако тхај уђиљисарипе  туса те барарен релациа ћердино по камљипе, паћваљипе тхај машкарикано паћваљипе.

•          Ако ћире деј тхај дад купа бешен, вон купа ка накхљарен пире даће тхај дадесе хакора, паша машкарикано ћхинадипе.

•          Ако ћире деј тхај дад ни бешен ке купа, вон дако тхај дадеско хако шај ћерен купа. Ако јек катар ћире деј тхај дад, ћерел коркоро дако тхај дадеско хако, о дујто  деј ја о дад сиље хако те аћхарел редовно контактора туса, тхај те актеришил ано андипе ћхинадутненго саве бут ћердонпе катар ћиро ђувдипе.

МПА

УНИЦЕФ Црна Гора/Душко Миљанић

Пхуредерутно: Катар е ћхаворе пхурардон е деј тхај о дад. Пе бибах, си ћхаворе касо дад ја е деј муље ја хасардиље ја љенђе нај мукло те пхурардон катар пире ћхаворе, себепо кај ђунгаљепхарардељен ја љенђе ни даранаса. Агасавне ћхаворенђе ћхулпе пхуредерутно.

Со си пхуредерутно? Пхуредерутно си ђено саво е ћхаворесе би дако ја дадеско пуранипе ћхул о Центро катар социално бућарипе е бућаса, те сар дад ја деј дарал е ћхаворесе.

Ко шај те авел пхуредерутно? Те си ћири ситуациа агасавни кај трубул туће пхуредерутно, ћире пхуредерутносе шај те авел алавардино дисаво ћиро пашутно/пашутни, те вон гова мангле, ја дисаво авер ђено. Ано Центро катар социално бућарипе катар гова туса ка ваћарен, тхај ка пушен тут ћире гођаверимасе.

Со си борћора пхуредерутнесе? Те си туће ћхуто пхуредерутно, вов/вој си борћи те даран туће, те ћерен хесапо катар  ћиро састипе, сикавипе, сићипе тхај сикљарипе коркоре ђувдимасе тхај бућаће. О пхуредерутно си борћи  мамуј туте лаћхе аћхардолпе, те араћхел тхај презентисарел ћире хакора тхај интересора. Борћимата пхуредерутнесе аћхон кана пхере 18 бош.

Љ.Ј.

УНИЦЕФ Црна Гора/Душко Миљанић